特首跑馬仔賽事，最近因為青年新政梁頌恆同游蕙禎嘅宣誓風波，出現變數，外界相信有意爭連任嘅梁振英從中獲利，因為阿爺或者會更想搵個硬淨嘅人做特首，所以有傳財政司司長曾俊華嘅選情又墮後，唔想梁振英連任嘅人，或者對此都好失望，希望有個中央接受嘅強硬派出嚟，同CY決一死戰都好。唔通因此令前財爺梁錦松，鬍鬚曾同林鄭兩邊撐，惟獨CY就無份？
相信大家都好記得，由阿松任主席嘅「惜食堂」，本月初請咗鬍鬚曾做活動嘉賓，阿松致辭時狂向鬍鬚曾畀like，希望惜食堂能令香港更團結，仲話呢個責任要「交畀曾司長啦」，表明對佢好有期望。