標緻807大有機會亮相香江

蘋果日報 2002/05/23 00:00


嚟緊呢個周末周日,法國標緻部307SW七人MPV,會正式登陸香港,有睇過同試過部新車嘅傳媒朋友,都覺得部車好有創意同實用性,尤其嗰個幾近天幕式嘅玻璃頂,真係畀到你好開揚嘅感覺嘛!然而,亞Mark所知廠方經已落實製造新一代大型MPV嘅807,相比起舊款可謂截然兩樣;賣相時款有近似607轎車嘅氣質之餘,佢嘅左右遙控雙趟門,以及三列式天窗配搭,都會係佢嘅賣點所在。相信繼307SW之後,今年下半年呢部大型MPV,亦好有機會響香港亮相噃!當中,跟607同出一轍嘅一台3.0公升V6偈,匹配4前速半自動波箱,最有機會出現響港版嘅807身上㗎!