郭富城(城城)噚日以明星大使身份喺澳門出席「第三屆澳門國際影展暨頒獎典禮(IFFAM)記者招待會」,下月14號喺澳門文化中心舉行頒獎禮。澳門特別行政區政府旅遊局局長暨IFFAM籌備委員會主席文綺華、澳門影視製作文化協會會長暨IFFAM籌備委員會執行副主席周焯華(洗米華)等亦有出席,洗米華喺台上同城城寒暄咗幾句,有講有笑,心情唔錯,不過事後冇接受訪問。
城城最近忙於喺韓國拍戲,噚日活動後又要飛去韓國繼續開工,城城話:「月中完成拍攝,返嚟香港之後會即刻為世界巡迴演唱會進行綵排,24號首站廣州演出,之後會去肇慶、南京、澳門、武漢等地演出。」