耀榮投資控股有限公司遭法庭頒令清盤，法官指張耀榮在誓章內聲稱自己與藝能娛樂（國際）的老闆張國忠有許多生意轇轕，他於14年前與張國忠合資拍攝的電影《廣東五虎之鐵拳無敵孫中山》，當時對方曾保證賺錢，最後虧本409萬，要他分擔一半損失不合理，但法官認為該等訴訟與本案無關。雖然張耀榮願意分九個月、每月攤還10萬元欠債，但不獲債權人同意，法庭惟有依法頒清盤令。
事緣於04年9月，藝能入稟告前身為耀榮娛樂的耀榮投資控股有限公司，指耀榮投資拖欠82.6萬多元「左麟右李」演唱會門券的款項，法庭裁定藝能勝訴，惟耀榮投資仍未還清欠款，藝能遂呈請要求頒清盤令。

張耀榮原本今年4月準備為許冠傑（Sam）舉行個唱，但阿Sam要求耀榮公司拿1,000萬做保證金才肯簽約，結果個唱告吹，該20日檔期只好由其他歌星頂替。
張耀榮昨日接受電話訪問說：「法庭清盤嘅係耀榮投資，並唔係耀榮娛樂，所以嚟緊嘅劉鳳屏演唱會、庾澄慶同亞視金曲等演唱會將如期舉行。我嘅經濟完全冇問題，之前我畀咗4,800萬陳友投資內地電視台，啲錢蝕晒，我都冇怨陳友一句，好似我都畀咗好多錢張國忠投資拍戲，結果又係蝕本，事情太複離，好難向外講得清。」另外，時富投資集團有限公司入稟高院，申請張耀榮破產，案件將於下月10日再訊。
李克勤和譚詠麟昨晚在無綫錄影節目，克勤說：「我都唔知講啲乜好，我第一個演唱會都係兩個張生有份搞，耀榮叔係多年朋友，之前聽聞有啲磨擦，但作為後輩冇能力去理，但覺得唔舒服。」
譚詠麟（阿倫）則說：「大人嘅事我唔知呀，咁判一定有理由嘅。兩個張生我都識咗好耐，有啲嘢大家攞咗出嚟講，又轉唔到彎，呢件事係同啲股東交代。」當提到他也是股東身份時，阿倫說：「入面有好多人，唔係淨係一、兩個，公司同公司之間嘅問題，同藝人無關，誰是誰非，以和為貴。」問阿倫見到張耀榮可會尷尬？他說：「唔會，之前喺馬場都見過。」

將與張耀榮合作舉辦多場演唱會的丘亞葵昨在電話中回應說：「張生話嚟緊演唱會唔會受影響，但我哋都會搵律師了解清楚件事係點。」原計劃9月開個唱的汪明荃則說：「我仲未同張生簽約，過兩日我都要搵張生坐低傾傾。」
案件編號：HCCW13/07
採訪：陳曉薇、楊潔雯
攝影：仇志德