童星出身、現年26歲嘅韓劇《愛上Pinocchio》女星朴信惠，早前接受訪問時表示，如果可以重返20歲，佢希望跟朋友去夜店狂歡。

朴信惠2003年就出道，作為演員嘅佢，私生活一直都好檢點，雖然係比較多緋聞男友，不過因為佢出名孝順而且勤力，都叫係圈中乖女一名。不過原來朴信惠都好後悔自己咁乖，於前日播出嘅節目《SectionTV演藝通信》中，對於人生中想要返去嘅時光，朴信惠表示：「想回到20歲嘅時候，如果可以，會更興奮地去玩。」主持問：「好似小混混一樣？」朴信惠亦坦白地答：「係！回到20歲嘅話，就跟朋友去夜店，想享受一下梨泰院嘅自由奔放。」