現年34歲嘅韓劇《通往機場的路》女星崔汝珍近日忙於拍攝綜藝節目《飛行少女》，而一向好身材嘅佢就於節目中自爆體脂肪只得6%，令觀眾非常驚訝。

體脂肪要根據BMI、年齡及性別嚟計算機，一般正常成年女性嘅平均體脂大概係20至27%，所以崔汝珍嘅6%真係好低。

節目中，崔汝珍就公開維持低脂肪身材嘅秘訣，表示每日早上都飲自家製果汁，就係將蘋果、紅蘿蔔、芹菜、藍莓等蔬果一齊打成果汁。雖然呢款果汁好似真係好work，不過見到崔汝珍飲時個表情......似乎連佢自己都仲未接受到個味道。