嘩！乜已經第80期啦！倒數第九次嘅夜賽，聽晚（12日）去咗沙田，全天候咁跑，近日天氣咁唔穩定，好似搵啲濕慢泥有根據嘅馬，我個心會定番少少。

第二場四班1650米羅廐「好腳頭」，加埋第五場四班1200米徐廐「天賜寶」，我會買獨贏2串3，補多注位置2串1。

泥地跑吓又一Win，跑吓又再整多Win，贏吓贏吓啲馬主同馬房手足不知幾爽，呢兩隻我唔睇少，仲要係濕慢泥頭馬。

再認真睇番佢哋嗰兩場先。「好腳頭」返番落四班真係惡，「安賦」、「好運」、「勁得手」幾匹後起之秀可能偏熱，又未必夠級數威脅到佢，10檔後追唔怕衰，生位早走好過困住嘛！

「天賜寶」做路程專家全因夠晒主動，今次有好檔（4檔）可繼續擺前走。

雖然話季內兩Win超額完成，不如又睇吓對手，其實好多都密跑跌watt。應該會好熱嘅「星叻」同外檔（9檔）靠追嘅「八心之友」好似做腳好啲啲。

-----------------------------
【新聞有價】6月17日起 繼續撐蘋果
http://bit.ly/2IJ24ZR