【拍拖勝地】趙世曾聞Jimmy's Kitchen結業嘆可惜 帶女友撐枱腳多到唔記得
蘋果日報 2020/03/29 18:13
趙世曾Jimmy's Kitchen
（資料圖片）
於中環雲咸街開設、有92年歷史的殖民地西餐廳Jimmy's Kitchen將會於四月尾結業，此餐廳擁有不少官商界名人幫襯，當中有董建華、李鵬飛、趙世曾，甚至美國總統甘乃迪的妻子積奇蓮也曾經光顧，更有不少熟客橫誇兩三代，是不少上一代港人的西餐回憶，而餐廳方面指結業與近期疫情無關，餐廳未來將會搬去另一地址以新面目繼續營業，不過確實日期及地址則暫未能公布。
《蘋果》致電趙世曾，他對於Jimmy's Kitchen結業表示驚訝及可惜，還追問記者何時結業，他表示是小時候父母帶他去幫襯：「父母係由上海Jimmy's Kitchen已經幫襯，而我就係食中環嗰間，到而家都一路都有幫襯，最鍾意食佢哋嘅特色豬腳，所以聽到佢結業好可惜，佢哋係好有中國色彩嘅西餐廳。」記者問到趙生此餐廳是否他常常帶女友來幫襯的拍拖勝地，他笑言：「以前好多時都會嚟，成日都嚟食飯。」再問到記得帶過幾多個女友來幫襯，他就表示唔記得了，不過覺得餐廳結束是十分可惜。
趙世曾自小跟父母去幫襯，到近數十年帶過不少女友去此餐廳拍拖（資料圖片）
位於中環的Jimmy's Kitchen將會於四月底結業（資料圖片）
Jimmy's Kitchen在香港已有92年歷史
Jimmy's Kitchen是不少香港上一代港人的集體回憶