「靚猴王」上季兩次同程入Q水準高，季尾上1400有點過急，以今季復課後的操練編排，睇得出文家良也心急點想交代，早在八月頭已開始快跳，亦一早搵定潘頓接手，經過反覆考驗，最後決定加眼罩，並透過今月初第二課大閘試準，才落實出賽加眼罩，睇過「靚猴王」近期試跑、試閘，都唔覺有反效果。
最強對手是「喜喜寶」，上次加眼罩有所圖，可惜排外檔又未熱身，望空後留唔到，睇見何澤堯有啲攪佢唔掂，方仔二話不說，搵莫雷拉接手，看見早前由他操的一課，果然真係唔同，走來無咁急好聽話，今場排四檔條件遠比上仗好。
「金鹿」勝在忠心，14檔則始終會蝕章。「龍城勇將」上季贏新馬賽，賺超慢步速，如今初遇三班舊馬，考驗好大，揀埋牠原因是覺得有點進步，且有一檔之助而已。「日威夜威」埋門試泥閘表現遠比九月尾一課好，狀態來得幾快，建議留意此匹不明物體。
其餘兩匹自購馬，「中華寶貝」及「車神」都未夠水準。「誠信寶駒」縮程有點變數。「萬事盛」退出後停操一周。「揮闖」準備不足。「精算率然」重上三班，對手完全唔同。「歡笑多多」三班始終下風。「洪福齊來」傷患令戰鬥力急跌。「育成群駒」可跑四
班，仍不跑，再等。