【本報訊】關焯照指對樓市前景未感樂觀，「我就比較睇淡啲，不嬲都講全年樓價跌12%至15%，所以未來3季如果經濟穩定啲咪跌少過10%。」估計調整期要到明年第3季方結束。

關焯照未敢輕言樓市見底的主因是外圍因素未明朗，「推動樓市上行，先要宏觀情況有改善，家仲未睇到真係改善。」他認為現時樓市並未出現小陽春，「樓市係處於探索期，樓價彈少少，再跟住係橫行、觸底、定再升，要睇中國經濟數據同金融市場的轉變」。

他認為細價樓的危機是由金管局收緊按揭造成，「因為壓力測試，負擔能力唔太高嘅，佢要攞七成按揭嘅咪買細樓。發展商亦都劏細賣，係一種好唔健康嘅現象，佢哋好難換樓，亦都影響結婚意欲，而且家單位越細越跌得多，中型單位相對無跌得咁多」。

長此下去，細單位與中型單位的差距將會被拉遠，令細單位業主換樓出現困難，「邊個去炒劏房樓啫？大部份嘅購買力已經畀發展商吸走，年紀較大的人亦都唔會睇咁細單位。」