【抗暴之戰】中立也容不下 佔中送水警被踢出谷
蘋果日報 2019/12/27 12:17
送水警抗暴之戰白警
傘運期間，佔領區有漫畫稱頌借水給示威者喝的男警為「男神」。
大家應會記得五年前雨傘運動期間，有一名警員進行驅散時將自己的水分給示威者飲用，阿輝說該名警員在今次運動中，曾在Facebook留言指警察不應使用過份武力、應切身處地在示威者立場去想等這些中立的說法，「就夾硬俾人屈佢話『係黃㗎喇，啲WhatsApp group踢走晒佢喇，唔好畀佢喺度攞機密資料喇。』」
阿輝慨嘆，警察只視示威者為敵人，從沒嘗試理解示威者的想法以及所爭取的訴求，更沒想過他們脫下制服後，其實都是一名香港人。他指警隊內部資訊非常單一，「總之逢係支持我嘅，我就會睇；反對我哋嗰啲呢，就唔會睇，拒絕接收其他資訊。」他透露內部不同的WhatsApp群組，會定期踢爆某某同事是黃色，或某某同事的立場與警隊主流意見有出入，繼而排擠他們。
作為警隊內的「異見分子」，阿輝在運動初期已萌生辭職念頭，除了因自己是一名「黃絲」，他也感到警民之間充滿不信任，自覺「份工好難做」。作為一名前線警，他憶述運動初期警民衝突未及現時激烈，還未出現汽油彈和橡膠子彈等，他在一次推進中，目睹一名示威者在他前方跌倒，本能反應扶起對方，惟身旁的同袍即制止、在場的社工亦大叫「唔好打」。
阿輝坦言，警隊內老一輩和年輕一輩最初的分歧很大，「年紀大嗰一輩覺得直頭要開槍打死班示威者」，年輕一輩則只希望和平示威，「最好就無事無幹，唔使佢哋出去就最好喇。」但後來衝突越趨激烈，不論老、中、青，均十分不妥示威者。
阿輝當然希望示威和平收場，一旦出現暴力示威，他認為警察執法亦是天經地義，「我覺得睇唔過眼嘅係，你（警察）係負責執法，唔係做裁判。判佢（示威者）有冇罪，應該由法庭、法官去判，唔係你先入為主覺得佢一定係有罪，就濫用私刑咁打咗佢一身，用過份嘅武力，去做一啲唔應該做嘅嘢！」惟人微言輕，認同阿輝的只是身邊的少數，而這些少數亦相繼離開了警隊。
記者楊思雅
借水警員大受讚賞，當年政府亦特意製作專訪。