旅遊界立法會議員楊孝華自從八九年由北京調回香港之後，佢同太太每年都將啲字同畫製成月曆或者聖誕卡，送畀相熟朋友，今年亦唔例外。
楊孝華承認，今次亞洲大海嘯，對旅遊業一定造成好大嘅打擊，因為大家都會有陰影，影響外遊嘅心情，真係玩都玩得唔開心，特別咁多死傷者都係嚟自歐美，佢哋可能會有一段時間唔敢嚟亞洲。
楊孝華重舉911為例，美國嘅航空業曾有段時間一落千丈，因為大家認為留喺屋企最安全。
今次大災難，唔少導遊都表現得好專業，帶領住啲團友跑上山，逃出生天，楊孝華覺得值得表揚佢哋，正在同業界研究點辦。至於港府，佢就話反應都算快，𠵱家嚟講，物資比錢更重要。


傳真︰2623-9278
電郵︰[email protected]