【姊妹檔上陣】余香凝與妹妹余潔瀅有錢一齊搵 有衫兩份穿
蘋果日報 2019/09/12 18:04
余香凝姊妹檔
余香凝和余潔瀅首次姊妹檔上陣。
余香凝（Jennifer）早前與妹妹余潔瀅（Zoe）首度「姊妹檔」上陣搵真銀，雖然余香凝表現興奮，事關她從小到大與妹妹余潔瀅經常靚衫齊齊兩份着，今次可以名正言順齊齊扮靚，不過妹妹反而有點不自在：「佢高過我，成日覺得企喺佢身邊，好似矮咗一截。」但即使高度有別，不過樣貌確實很相似，妹妹笑說：「開工嗰日我戴住帽去到現場，工作人員話唔敢叫我，因為唔知我係余香凝定余潔瀅！」家姐余香凝則笑說：「冇所謂喇！叫我咩名我都會應，總之大家知道我哋姓余就得。」
拍攝期間，余香凝寓工作於娛樂，當工作人員要求她站上「轉盤」拍攝時，貪玩的Jennifer竟然自我陶醉扮登台開騷，問她是否恨開演唱會？Jennifer坦言：「之前欣賞完容祖兒演唱會，自己當然都想開，不過好大壓力，我歌又唔夠、功力又唔夠，所以都不敢奢望，有機會先算，有人嚟睇就夠。」
余香凝表示本身屬寒底，即使大熱天時穿厚衫都不會覺得熱。
余潔瀅表示刻意收起笑容、感覺cool點。