近排盛傳喺節目《順峰順水》擺阿姐款嘅高海寧，日前出席活動唱咗「五音全」嘅走音歌後，噚晚除夕夜就同張智霖同埋陳法拉出席商場嘅倒數活動，今次唔使佢唱歌喇，剩係現吓身，做返佢嘅專長晒「事業線」就得喇。

以一身全白性感低胸裙現身嘅高Ling就算咁性感，面對住堅係無綫姐仔級人馬嘅陳法拉，都要全程「靠邊站」，幾乎張張相都係密實法拉企正中間。不過高Ling咁性感晒「事業線」，當然都成為全晚嘅焦點啦。