因為備戰馬拉松而練跑的黃先生及吳小姐，多年來一直會跑經順利紀律部隊宿舍，但昨晚竟突然被宿舍居民辱罵，事件更出動防暴解決，擾攘一個多小時。

記者 沈彥恒

兩人跑經宿舍時，雖然街上沒有市民聚集，但他們突然被強光照射，又聽到宿舍不斷有人大呼「垃圾」、「曱甴」，又以粗言穢語辱罵。兩人向平台聚集的二十多人稱自己只是街坊，但該批人未有停止行為。約5分鐘後，分別有3名軍裝警及兩名未有確認身分的疑似便衣警到場，軍裝警指兩人只是街坊。黃先生形容軍裝警客氣，但疑似便衣警則情緒失控，「後尾嗰兩條友（便衣警）一出嚟，怒氣沖沖，直情係衝過嚟問我想點，係咁X我哋老母」，他直指對方企圖出手打人，軍裝警見狀立即分隔兩批人，但便衣警未有停止辱罵。

兩人經過解釋，軍裝警亦明白是一場誤會，「因為啱啱順利邨有和你唱，有啲人想行過嚟（紀律部隊宿舍），所以住喺上面啲人就唔忿氣，唔甘心被人鬧，所以誤會我哋都係嗰邊啲人，所以不斷鬧我哋。」但據兩人稱當時街上已沒有人聚集。

軍裝警期後試圖說服雙方以道歉方式化解事件，又指自己同樣經常被罵「黑警」，勸兩人就此作罷，惟他們不接受。黃先生認為警方無法保護市民，反問如果是他們無故辱罵其他市民，是否沒有問題，軍裝警隨即回應：「理論上係嘅，但當然睇個程度啦，如果有咩衝突就唔好啦。」

討論期間，樓上辱罵聲未有停下，現場更聚集越來越多的蒙面人圍觀指罵。「我都同個警察講，而家我哋都冇嘢，同你哋傾緊嘢，身邊就有人咁兇我，咁你哋睇到又點吖，冇㗎，佢哋都係隔一隔開嗰個人，咪畀佢哋走囉。」黃先生說。他又指，在旁錄影的記者亦遭蒙面市民推撞。「如果係市民，點解佢哋可以咁樣阻住人哋採訪？」他稱更有人稱記者為「黑記」。

未幾一批防暴警到場，令黃先生更加不解。「我唔知點解無啦啦得我哋兩個，因為當時真係冇人得我哋兩個喺度，點解會call支援。」他說。後來防暴到場，指兩人應掉頭離開，並要設封鎖線。黃先生再感無奈，亦表示無謂與防暴談道理。「因為講落去佢哋只會話你挑釁佢哋。」他說。防暴又指，如果兩人再在場擾攘，可以根據禁制令拘捕兩人，黃先生坦言覺得對方在亂用法例嚇唬他。

然而，防暴到場時宿舍居民仍未停止辱罵及照強光。「我都同個警察講，喂我哋停咗啦，我哋冇嘈啦，咁而家上面啲人喺度鬧我哋，搵電筒照我哋，咁你哋都唔做嘢？」黃先生反問「佢哋話佢哋做唔到任何嘢。」

對於圍觀的蒙面「市民」，黃先生質疑為何警方一直未有驅散他們。「點解嗰班人就可以企喺度呢，咁我好存疑，咁嗰度如果唔係所謂休班警，whatever乜嘢，咁好我懷疑，點解佢哋（警方）又大細超呢？」他道。

當兩人及記者被推到防線之外，兩人亦有反擊指警員針對市民。後來防暴警離開前，就用電筒直照兩人，更發出第一次警告。「佢哋話返嚟再見到我哋喧嘩，就會拉我哋。」及後兩人再逗留5分鐘後便離開。

對於無故被罵，兩人都深表無奈：「咁多人經過，係咪每個人經過都會被人鬧呢？係咪當正個個市民都係罪犯呢？」而令黃先生最不解的，是擾攘一個多小時之中，宿舍叫囂的情況一直未有停止。「無理由佢哋喺上面叫囂，叫咗粒幾鐘，都冇人上去睇㗎嘛，係咪先？咁如果係咁，點解有街坊喺順利邨條橋唱歌，你要出防暴望住佢哋？」黃先生質問。「我哋唔係住喺警察宿舍嘅人，係咪就得唔到公平對待？」他感嘆，警方身為執法人員不應心存偏見。
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568