陶喆本月7日召開記者會，呢頭坦承婚後出軌，偷食楊子晴，更落淚感謝太太江佩蓉（Penny）原諒。開完記招，陶喆仲同太太及友人一齊食飯，網民笑言好似搞「慶功」咁。點知，前晚又被讀者踢爆陶喆同乳溝妹到居酒屋吃飯，陶喆更酩酊大醉，之後一起回家。報道於凌晨時份已於網上瘋傳，未知Penny是否對陶喆已然心死，故已換咗fb的profilepicture，由夫婦合照變成同狗狗合照。

至於同陶喆夜遊那位「乳溝妹」身份，亦迅即被起底，有指佢疑似係台灣奀星陳心瑩。台灣《蘋果》記者致電求證，陳心瑩一聽到「陶喆」兩字，deadair三秒，之後即收線。

另有讀者爆料指，陳心瑩原來都係陶喆「前女友」之一，交往多年。有傳當時陳心瑩係睇報道先至知陶喆同富家千金Penny結婚，非常崩潰。

咁陳心瑩依家有乜嘢搞作呢？佢日前先至拍完劇集《一把青》同電影《好久不見─奇幻同學會》。本月6號，陳心瑩忽然喺fb透露「最近非常的憂鬱」，而呢日，正值陶喆開記者會前夕，時間方面非常敏感，但有「知情者」話應該唔關事，可能係陳心瑩最近失戀咁喎……不過睇佢嘅fb同微博，真係好吸睛，好多爆乳相，美好身材盡露，當中亦不乏床照，而且拍攝角度同陶喆情人楊子晴差唔多。

呢啲真係世界級食家。