近年登場的見習騎師中，陳嘉熙算是外界視為較弱的一位，雖然暫時有七場頭馬成績不差，但外界對他的韁繩操控、推騎馬匹的力度等，口碑都唔太好。

好似本月12日嘉熙策「地大大」負半馬位屈居亞軍，普遍認為是輸人，指嘉熙騎落唔夠硬淨。

又例如剛周日（16日）他策「更好世界」，末段成個馬頭側晒，無力阻止此駒內閃，結果熱門只得梗頸四，嘉熙明顯操控得麻麻，賽後小組亦警告他的騎法。

當然，亦有唔少人指嘉熙經驗尚淺，對佢唔能夠太苛責，無論練馬師、馬主甚至馬迷，對一位十磅仔應該多點鼓勵。

其中，練馬師高伯新便以行動支持，嚟緊周日（23日）沙田四班1400米第二組，便有匹實力分子「超能量」交給嘉熙操刀。

四歲新西蘭自購新馬「超能量」至今15戰不勝，但絕非無戰鬥力，近三仗便得一亞一季一第五。

此駒的狀態及演出其實好穩定，今次初配嘉熙減負10磅，或有突破未定，亦是嘉熙要挽回外界對他的信心重要一戰。

-----------------------------
你撐蘋果 我捐$1
支援反送中抗爭者