鍾嘉欣昨午在社交網貼圖，宣佈囝囝已經出世，B仔重7磅14安士，名字叫Jared Anthony Leung，臉圓圓鼻大大，樣子跟嘉欣老公Jeremy餅印一樣。鍾嘉欣寫道：「To our Son, Jared Anthony Leung. Welcome to our family. We love you. 」其實上月底，有讀者報料指的第二胎已經出世，《蘋果》當時向鍾嘉欣一眾好姊妹求證，不過大家都口密不肯洩露風聲，只表示要留給嘉欣自己宣佈。

以為生龍鳳胎

嘉欣之後再透過錄音短訊，親口介紹囝囝給大家認識：「囝囝好健康，好多頭髮，佢出世時好似家姐Kelly，我哋全家都講笑話我好似生咗龍鳳胎，因為Jared同Kelly真係好似樣。今次生BB過程都好順利，都係順產，雖然真係好痛、好痛、好痛，但最特別今次選擇咗屋企生。」
嘉欣表示加拿大政府十分支持自然分娩，又感恩找到一班很好的助產士，給予她很多專業意見及情緒支援。嘉欣說：「佢哋教我用一啲方法，令生BB過程更順利更安全，同更加去相信聽自己嘅body去生BB，絕對係一個好難忘經歷，同我個仔一齊，同我family一齊。」

毋忘照顧大女

嘉欣透露現階段要坐月，照顧囝囝之餘，亦要放更多時間照顧大女Kelly，她說：「始終多咗個BB，要放多啲時間喺家姐身上，現時我就係忙呢樣嘢，希望好快可以介紹到畀阿仔大家識，希望大家take care，仲有多謝大家祝福，我都唔講咁多住，要瞓覺喇。」
採訪：嵐山