2012年發生的DR醫學美容事故，集團創辦人周向榮、女西醫麥允齡及技術室化驗員陳冠忠各被控一項誤殺罪。周向榮繼續自辯指，涉案實驗室於2012年有就涉事的CIK療程制定一套符合美國血庫協會（AABB）規格的標準作業程序（SOP），「嗱，當時呢我係唔止一次同Billy（次被告陳冠忠）講過，話做CIK要跟足AABB嘅規格做，要填嘅processing record要填足，需要嘅報告亦都要照俾醫生。」

周指他平日巡視涉案的亞太幹細胞科研中心（APSC）實驗室時，翻閱過各種SOP、記錄和報告。他問被告技術員陳冠忠有沒有CIK的SOP，陳解釋指跟實驗室既有的幹細胞儲存SOP是一樣的，「種細胞嘅原理一樣，特別係點樣操作啲儀器係一樣嘅，同埋點樣做完之後去驗菌都係一樣，所以我哋幹細胞嘅SOP全部適用於CIK，只係用啲咩培養液、用咩化學劑要加返啲字眼落去，肖教授（廣州醫院專家）嗰5版紙有晒。」

法官問周，上述是陳的原話抑或是周自己理解，周指陳的原話是告訴他有跟足AABB規格，而且CIK與幹細胞的程序概念上相同，「所以我assume係有囉」。

周續指他巡舖時親自見過牙齒、胎盤、羊膜、臍帶血等多種細胞的處理全部有齊記錄，「所以我係完全無理由唔信（CIK處理有SOP），2011年開始我哋成個系統都係咁做，跟足AABB規格去做。」周又指APSC總監華壽恩為了應付美國血庫協會巡查考核，故對員工做了充分培訓，確保他們熟悉AABB認證要求。