「辛辛苦苦儲咗咁多年嘅積蓄，一夜之間冇晒，26萬就咁化為烏有！只怪自己太易信人！」自歎倒楣的何小姐向記者哭訴經過時，聲淚俱下。
她說，早前閱報得悉一間在尖沙嘴東科學館道康宏廣場、名為萬利豐（中國）有限公司的機構聘請會計，她前往應徵獲取錄，於上月18日上班，公司有一男經理及兩女職員；經理告知她其職務主要是協助客人投資、計算手續費及利潤等。
她說，經理稱公司有許多內地客戶，但礙於外滙管制不能在港直接投資買賣，故公司職員常以自己名義替他們買賣。上班一星期後經理向職員稱，他有剩餘倫敦銀投資戶口，問誰有興趣「接手」。
「啲戶口本留畀內地客，但暫未有人『認頭』，如有四成利潤就歸番我哋，但要問過啲客肯唔肯，唔係你想要就俾你。」
「一日之間蝕咗16萬」
何小姐稱當時沒表態，但一女同事欲認購，「佢話：『你（何小姐）買我先買，好快回本啫，不如一齊買！』」在女同事不斷游說下，在上月25日，她終以20萬投資倫敦銀，當日已蝕去16萬，經理提議她「補救方法」。
「佢話𠵱家戶口只剩4萬蚊，不如補多6萬，等佢儲夠10萬蚊資金就可以做買賣，第二朝平番個倉，咁我再畀多6萬；佢哋話叫我等消息。但當日最終都唔知係賺定蝕，只係叫我第二日10點返工，點知返到去已經冇人應門！」
何小姐說，她不斷致電返公司及三位「同事」手機，但完全無人接聽，此刻她疑受騙，即到尖沙嘴警署報案求助。