當年今日
關於我們

【預算案】憂口試搞事 DSE視藝考生:藝術家都話考 我寧畀錢

蘋果日報 2018/03/01 15:38

DSE考試預算案

【新增訪問】
財政預算案公佈明年DSE豁免考試費,包括自修生亦可受惠,引起網民熱議笑稱欲以自修生身份報考,重返試場,一嚐DSE的滋味。不少下年度將會應考DSE的學生擔心網民「玩嘢」報考,令真正想考大學的學生被拖低成績,有學生更指寧願交考試費,總好過有機會被拖抵,但亦有學生認為免考試費本身是好事,網民只是講笑,不會真的赴考。
就讀協恩中學的中五生葉同學是下屆DSE考生,她認為政策好壞各半,因考試費動輒2,000多元,免費可幫助貧苦家庭,「免考試費始終係一件好事」,但會同時擔心網民「玩嘢」報考語文口語,霸佔發言時間,「好驚Oral(口試),我表哥都玩過,話Oral今次唔使錢考,可以入去搞事」。她指原本免考試費確實可幫到不少人,「我老豆(本來)叫我考試唔好報咁多科, 咁依家免咗考試費,就可以報多啲科,唔使錢」,她認為網民聲稱報考「講吓嘅成份多啲」。她修讀視覺藝術,指擔心有藝術家應考,拖低日校考生成績,「唔會玩到咁盡啩」。
就讀陳瑞祺(喇沙)書院的中五生陳同學同樣是下屆DSE考生,他亦認為免考試費好壞參半,「好嘅係今次(免費)考得唔好,下次補考」,但壞處是任何人都可應考,影響日校考生成績,「因為咩人都可以考,會影響Oral質素, 例如可能年紀老啲,同我哋溝通方法會唔同,可能影響到我哋表現」, 但他認為港人不會花時間應考,「都係講下笑啫」, 但如果有人會因而應考都會擔心。他表示寧願需要支付考試費好過免費,「都係要俾錢好啲, 雖然花咗啲錢,但可以確保(試場)水準」, 他認為免考試費對學生一定有好處,但財政預算案未有真正派糖,真正受惠的人不多。
余同學、蔡同學、曹同學亦是下屆DSE考生,皆表示擔心免考試費會吸引「連登仔」(網民)應考口試,其他科則不會太擔心被影響,「成班連登仔出嚟搞事」,余同學指免考試費對學生並非好事,蔡同學指寧願付費,「想要個保障」,「Oral會驚啲,因為無得重考」,曹同學指如果「連登仔」應考口試時霸佔發言時間,「全組都炒得,基本上中文成績因為口試而跌哂,會入唔到大學」。
鄧鏡波學校的馮同學同樣是下屆DSE考生,表示擔心免考試費會影響口試的公開試成績,「因為驚網民講完就真係做,特別Oral」,「如果俾我揀,我寧願俾二千幾考試費,因為會俾人影響成績」。
新亞中學的中四生趙同學指,雖然未能於下屆DSE受惠,但認為免考試費壞處多於好處,「我寧願畀錢好啲」,「因為我修視覺藝術,我家姐都係,佢有啲朋友係藝術家,畫畫好叻,都話想報考,係擔心㗎」。她指除了擔心視覺藝術,亦擔心中文口語科,「呢啲科可以玩嘢」,她亦擔心成績優秀的畢業生應考「拉curve(拉曲線)」,被拖低成績。
至於李同學及陳同學是下屆DSE考生,二人指免考試費是開心事,對於有網民指打算應考,二人指會擔心,但認為有心「玩嘢」的自修生只屬少數,李同學指始終免費好過付費,「當然唔使畀錢好啦, 我覺得我哋有能力考到好成績, 做好自己就得㗎喇」。
坊間有指自修生和日校考生是分開「拉curve(拉曲線)」,即使自修生報考,都未必影響學校考生的成績;不過,有學界人士指DSE即使現時採用「水平參照」模式,亦有「一部分拉curve功能」,認為自修生成績或會影響日校考生,甚至影響日校生升讀大學的機會。
empty
黃耀興攝