【新增影片】

苗禮德馬房剛周日（8日）沙田賽事，靠由女將蔣嘉琦操刀的「好愉快」增添頭馬。今期（11日）快活谷夜馬，苗禮德亦倚重90後年輕騎師出擊，不過不再是蔣嘉琦，而是復出未開齋的史卓豐。

今期苗禮德五匹戰馬中，除了「鋒芒畢露」用雷神外，其餘四駒「威德將軍」、「珍珠有利」、「事勝意」及「金滿載」全配史卓豐。

史卓豐呢位小鮮肉騎師，堪稱成為今期苗廐影子主帥。而今日（9日）排位朝，騎練兩人亦有緊張動靜，約定一齊於機坪附近睇馬，又傾個不停，明顯正在研究周三出擊計劃。

而於苗禮德與史卓豐四匹合作馬中，有三駒上仗跑入前五名內。其中第四場四班1650米的「事勝意」上仗同程輕勝，走勢有餘未盡。

馬兒今季三戰一冠一亞大熟大勇，今仗留在四班再爭勝途，仲要抽到1檔，形勢大好。睇嚟苗禮德與史卓豐有力繼早前攜手連勝「世界紀錄」後，再一次合作贏馬。