55歲嘅哈林(庾澄慶)噚日透過經理人出聲明，證實同細佢14年嘅女主播張嘉欣拍拖8個月後閃電結婚，哈林話今次結婚對佢自己嚟講係一件好重要嘅事，不過佢唔想驚動到大家。(相關新聞﹕ http://bit.ly/2aG3O8a )

消息指哈林同太太只係簡單咁邀請咗雙方嘅家人去食飯，大約只有十幾位來賓到場，包括介紹人范姜與柯震東爸爸柯耀宗，一眾好友都大讚哈林係個「漢子」，唔會「大隻講」；雖然張嘉欣尚未懷孕，但好友都催佢哋快啲造人。

哈林唔願意透露結婚嘅細節，同佢當年同伊能靜結婚時一樣咁低調。哈林身邊好友噚日被問到婚訊都毫不知情，全部被蒙在鼓裡。