有指，迪士尼將以524億美元（約4087億港元）收購21世紀福斯電影及電視資產，而令《X戰警》系列（X-men）、《死侍》（Deadpool）、《神奇4俠》（Fantastic Four）有望同《復仇者聯盟》匯合。

好多人想問點解Marvel（威漫）嘅超級英雄版權咁分散呢？因為喺90年代Marvel因為大肆收購周邊公司如：玩具公司、卡牌公司、漫晝分銷公司等，因而背上了巨大債務接近破產邊緣，迫於無奈之下開始分批出售英雄漫畫的電視及電影版權，除咗21世紀福斯一系列嘅超級英雄之外，比較出名嘅仲有《蜘蛛俠》（Spider-Man）、《幽靈刺客》（Blade）、《惡靈戰警》（Ghost Rider）、《制裁者》（Punisher）等。

而Marvel喺08年拍攝《鋼鐵奇俠》（Iron Man）後大獲成功，而09年被迪士尼收購，及後迪士尼致力回收版權及發行權。如果今次交易成功，相信電影版權中，僅餘Sony手中的《蜘蛛俠》（Spider-Man）及環球影業嘅「變形俠醫」個人電影版權未回歸迪士尼旗下。

順帶一提，其實喺漫晝中蜘蛛俠同死待其實係一對好朋友，喺角色設定中兩位都係非常非常非常之咁多嘢講，甚至到達「煩」嘅地步，如果佢哋能夠拍一套電影，相信絕對可以成為最嘈嘅超級英雄電影！