田蕊妮今日在商台宣傳新專輯，她表示希望今年能舉辧個人音樂會：「我好鍾意唱live，唱歌見到觀眾我就腎上腺素飆升，我亦好想唱一啲舊歌，亞視年代嘅劇集主題曲都想唱，雖然有啲歌冇派台，但都係經歷。」之前她於雲頂演出，發現父親在看自己綵排時也很享受，故上台與父親合唱一曲，所以希望自己香港舉行音樂會，也能請父親做表演嘉賓，平時二人也會唱卡拉ok亦有飲歌。

另外，田蕊妮希望跟好友唐詩詠到西藏或埃及旅行，笑言想辦法賣甩丈夫杜汶澤：「如果老公知道實跟埋去，加上今年係我同老公拍拖20周年，佢想我哋去旅行慶祝吓，唔經唔覺同一齊咁耐。」

唱《油尖旺金毛玲》的Serrini今日在商台宣傳新歌《Becoming》，此歌亦有中文名《成為》，而新碟都是圍繞女性內心邪惡的思想，另一首歌講灰姑娘成為皇后之後，向曾傷害她的人報仇，她笑指是「死八婆望世人」的態度，歌曲把童話故事中的角色加上負面內心，就像《令人戰慄的格林童話》：「好多聽眾都係年輕人，佢哋有時想惡又惡唔起，行街想黑人面嗰啲，而家就滿足佢哋。」她覺得人可以主導自己情緒，推翻過往苟且情結。

新碟10首歌自己寫，歌詞中亦有粗口，Serrini表示有準備潔淨版，粗口部份用音樂效果製造。而她亦喜歡黃秋生，笑指不是因對方唱粗口歌：「因為我鍾意聽嗰啲歌手唱歌係由心而發嘅，我都好鍾意朱咪咪同尹光。」《Becoming》MV找來靚仔藝人做男主角，當中扮演死屍，她笑言：「真係望住死屍都心動，MV中我要同死屍拍拖，之後仲要埋屍。」

林奕匡今日在商台宣傳新歌《買不到的快樂》，還準備懷舊糖果做派台宣傳品。他表示小時候家人開餐館，家庭式生意，所以一家人一腳踢，做過執枱、聽電話及送外賣，而那時候很快樂。不過嫩男在餐廳工作卻沒吸引「姨姨」垂青，反而有女同學借意去餐廳見他一面：「中學時有吹色士風，去比賽同表演，確實吸引多咗目光同令人改觀，男女同學都有。」林奕匡透露，15歲時的初戀女友同樣也是樂隊成員，對方彈琴，他們一起到過很多地方表演：「但係而家冇乜特別諗以前，已經冇乜聯絡。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef