當年今日
關於我們

【外國都冇貨】森美法國旅遊搵口罩 發現限購空手而回 

蘋果日報 2020/02/02 12:31

森美法國口罩

【新增回應】
森美趁住農曆年假期,於是飛去法國度假,更在當地滑雪。對於全城瘋購口罩,森美都不例外,他在法國一間藥房內發現有口罩售賣,結果最終都要空手而回。他在社交網站留言:「放假諗住開心,結果唔喺香港,冇口罩,法國山上前日都有一人限十個,每個8蚊,諗住回程買,走出後面間藥房,冇晒,香港我回來啦!一起抗疫靠自己!」
不少網民紛紛留言,擔心森美回港時冇口罩用,「見到要買呢!機上小心」、「呢件事教訓你做男人唔好諗咁多」、「小心呀大哥!有冇布口罩戴住先?有塊布好過冇,戴埋眼鏡同多洗手呀!」、「你可以?空姐拿,—定有呀!take care」。
森美今日回覆《蘋果》時表示:「喺瑞士機場仲有啲消毒洗手液,仲有少量口罩,我都有買咗啲返嚟,我啲朋友都有幫我買咗兩盒口罩,所以用住朋友嗰啲先,都冇辦法,返到香港先再諗辦法,而家到咗香港,返到屋企再諗點清潔,點小心。」森美其後再向《蘋果》說:「而家出咗閘返緊屋企,飛機上面大家9成9人都有戴口罩,係少數外國人冇。飛機喺瑞士返嚟十幾個鐘,我喺位到唔係睇得好清楚,大部份都有口罩。」他又表示知道有認識的人帶住小朋友出國,現時不考慮返香港,由於學生最早在3月才復課,森美說知道有人會轉飛英國等地待疫情退燒。
-----------------------------
一按即玩
---------------------------------
11大串流娛樂平台推介
65頁網上煲劇睇戲天書
點擊即睇