漆黑黑的夜，的士司機張正皓將乘客送抵目的地，放開軚盤，轉為聚焦鍵盤，以筆名「白告」在網上平台《我的你的紅的》再開工，分享途上經歷。同時也為補習老師的他，今個夏天再為自己的斜槓人生添上新身份，空降北區粉嶺南出任社區主任。他曾經向反送中的年輕抗爭者承諾，當他們被捕入獄，自己會走入制度，推動普選特首，濫捕濫告情況持續，11月區選就是他兌現承諾之時。自願參「軍」，救年輕人也救香港。

記者 陳嘉裕

中文系畢業的張正皓曾經在補習學校任教中文長達5年，3年前因為想在香港嘗試「工作假期（working holiday）」轉行揸的士，希望自由的工作時間有助自己思考前路，同時在網上成立「我的你的紅的」專頁，分享揸的士所見所聞，網上人氣甚勁，更曾出書。

過去少有利用平台就政治事件發聲，直至「反送中」運動，張開始協助宣傳及表態。他因雨傘運動而對政治死心，今次則因港人的無私付出重燃希望：「（某次接載）幾個小朋友傾偈講抗爭，我提醒佢『發夢』嘅嘢唔好講，佢回應我：『唓！最多咪坐10年！』嗰下我已經好動容，佢哋係為我哋所有人嘅未來，賭上佢嘅未來。」他指當時承諾若年輕人因而入獄，他會進入制度作出改變，要求普選特首，「救返佢哋出嚟！」

「反送中」浪潮下有人呼籲重奪議會，今年32歲的張正皓眼見住處所屬的粉嶺南卻一直未有人落區服務，毅然「找數」，為守護家園出一份力：「香港人話畀我聽，我哋嘅希望返嚟喇，大家都感受到極權嘅禍害，於是乎兄弟爬山，咪喺我自己做到嘅崗位付出。」他自言要面對街坊是一大挑戰，「無人做，都要有人做」，幸好過去多年揸的士經驗，令他容易與街坊打開話匣，又會揸的士「巡區」協助處理區內大小問題，他笑稱：「的士司機對社會了解，其實多過立法會議員同區議員。」

「我的你的紅的」專頁現有近4萬粉絲，能否將網上人氣轉化為實際支持？張坦言，網上人氣只是讀者對他的認同，要轉換成選票或有困難，「網絡嘅（支持）始終喺網絡，實際社會又有唔同……係咪可以轉化做選票就睇11月個結果」。他強調要勝選始終要靠地區服務，落區一個月已經處理街燈及光管失靈、冧樹等問題，亦會主動跟進巴士路線和塞車情況。他強調勝算非自己的優先考慮，「最重要係為選民，同時係話畀人聽，有個咁（民主派）立場嘅人喺呢個選區，希望得到佢哋選票（支持），亦會用更好嘅社區回饋佢哋。」

張正皓有意出戰的粉嶺南是2015年區選的新增選區，上屆牽晴間業主委員會主席兼蓬瀛仙館行政總裁何樹光以1,824票擊敗得992票的新思維成員黃成智，選管會數字則顯示，2016年立法會選舉，民主派多張名單在粉嶺南的票站共取得近2,800票，建制派則只有約1,700票，若張能夠動員民主派支持者投票，粉嶺南有望翻盤。

-----------------------------

9.15民陣遊行

日期：2019年9月15日
時間：下午3時起步
起點：銅鑼灣東角道
終點：遮打道行人專用區

*獲反對通知書，民陣上訴中
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港