26歲日本索模菜菜緒近年走紅藝能界,憑住一對長腿成為搶手貨,唔止引死一大班男士,廣大少女都羨慕不已,加上靚到唔尋常嘅美貌,令佢日劇同埋片約不斷,今年就先後參演新片《白雪公主殺人事件》、日劇《FirstClass》同埋客串《DoctorX》,又會演出戶田惠梨香夥拍松坂桃李嘅新片《AprilFools》。
菜菜緒sell長腿,贏得電視台同片商歡迎,佢近日就戙高腳玩自拍,當佢喺instagram上載呢張晒腿照後,唔少網民都留言話正,好希望擁有好似菜菜緒咁修長嘅美腿。其實菜菜緒不嬲標榜佢對長腿,為雜誌同埋寫真集擺過唔少高難度動作,真係藝高人膽大!