當年今日

  特首忙中悼念襟兄 - 李八方

蘋果日報 2003/05/25 00:00


世衞失驚無神送份大禮畀香港,搞到呢兩日董特首又要急急諗計振興經濟,又要以身作則到處消費,應該好唔得閒。但噚日上午,特首都抽空一小時,由政府總部去到對面嘅聖若瑟天主堂,參加襟兄司徒華嘅追思彌撒。

董太姐夫去世
八方無寫錯,最近去世嘅董太姐夫、又即係特首襟兄司徒華律師,竟然同阿董多年來嘅政治死敵、立法會議員兼支聯會主席司徒華同名同姓,世事有時真係玄妙。
呢位司徒華都算低調,雖然與華叔同屬司徒氏宗親會,兩人重互相認識,但直到新一期《壹週刊》報道董太身世時,華叔先知司徒華律師就係董太嘅姐夫。儘管為人低調,但似乎司徒華律師同特首一家關係親厚,噚日阿董夫婦及幾位公子千金、弟弟董建成、妹妹金董建平都有出席追思會,儀式完結至走。
在場記者都係第一次見董太胞姊趙洪姚,佢嘅五官同董太非常相似,氣質淡雅,完場前重逐一向過百位親友致意。



傳真︰2623-9278
電郵︰[email protected]
empty
姐夫去世,董太牽着胞姊(左)的手以示安慰。