「都教授」金秀賢今朝喺內地溫州，出席鞋履品牌活動，現場人山人海，大會出動咗大批保安，亦有人好有生意頭腦，知道隔十丈遠嘅粉絲，想擒高睇清楚金秀賢，於是出租凳同梯，凳子盛惠20元人仔，梯就要110元人仔，都好多粉絲幫襯，場面勁搞笑。

金秀賢着住西裝出場，現場即刻發出超高分貝尖叫聲，而主持就係盛傳會同佢拍電影嘅伊一。金秀賢之後剪綵，臨離場仲同粉絲揮手，真係nice爆！