張可頤昨日於灣仔為無綫《志雲飯局》擔任嘉賓，陳志雲更送上蘭花予可頤作禮物，問到她會否於節目上宣佈與財經界男友曾安邦的婚訊時，她說：「仲有排啦！大家只係普通朋友，唔好畀咁多壓力我哋，每個女仔都會想結婚，不過呢啲就要靠上天安排，一切都順其自然。」可頤又表示與男友有很多共同話題，她說：「我哋大家步伐一致，都好投契投緣，都會傾好多嘢。」
對於羅嘉良與太太離婚一事，可頤表示看報道才知，問到可有致電慰問時，她說：「呢段時間應該畀佢靜吓，做得佢朋友應該畀佢多少少空間，可惜就一定會覺得可惜。」

此外，陳志雲昨日在商台為節目《十八樓C座》錄音，他說：「以前都有幫手錄過一、兩集，嗰時仲有考慮過幫呢個節目改變一下，好彩冇改到，唔係就冇得慶祝40周年。」一班演員還送上《十八樓C座》精華CD給他作禮物。
採訪、攝影：王崇穎