受香港政治局勢影響，馬來西亞「第二家園」成近日熱門的話題。除當地置業外，事業都是一大考慮。在當地樓上店開設插花班的楊舒文及張馨穎指，對比港人較急進，馬來西亞節奏慢，做生意需要更多的耐性，「同埋要諗辦法打馬來人市場，因為佔整體人口80%。」但她們亦欣賞港人夠效率，在馬來西亞競爭力會較強。

港人欲移民馬來西亞，有可能是因中港融合問題。但張馨穎直指中國在當地投資越來越多，直接影響營商環境。她透露自己曾在檳城遊客區開實體店賣中國製飾物，目標客戶主要是馬拉及中東人。但自淘寶及亞馬遜的出現，令店舖生意一落千丈：「我哋都係喺個邊入貨，但點都要人工、舖租成本，定價自然高啲。」更曾有客人直斥：「一模一樣嘅嘢，做乜賣貴咁多？」記者問到為何不轉賣本地貨，她解釋因當地的供應不足：「就算自己搵，成本都會好高，可能分分鐘搵唔到廠，大陸成本點都低啲。」

現時張馨穎與友人開設插花班，就是避免飾物店面對的問題，「教班喺淘寶好難買到，個價值喺創意度，就算上網有video，你喺上堂嘅過程同創意，都好難喺網上買到。」

中國科技發展一日千里，不少公司都視東南亞市場為數年前的中國，紛紛大額投資，吸引港人到當地置業及從商。但張馨穎就指，不要對大馬發展速度期望過高：「依度啲人仲係使現金為主，因為好多人都唔想綑綁信用卡喺電話，驚會唔會無晒啲錢！」

各國今年起積極發展5G網絡，記者向她查詢當地情況，二人卻反問「5G其實關我哋乜事？」張馨穎直言當地「4G都未好完善」：「酒店Wi-Fi成日都上唔到，好多地方上網都收唔到。」、「4G慢、全部都係好慢」，現時中國力推5G能「無人駕駛」、「遠程手術」，她表示：「一定會有，但乜無可能3、4年內發生到！」

記者：梁延宇
---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書