外籍大馬房如蔡約翰、大摩等向來季初不算急進，華籍練馬師乘這段時間爭取機會出擊也是正路，開季兩個賽日華倉成績理想。

李易達上季順利達標，縱使有人認為李廐其後攻勢放緩，但季尾時馬房亦有頭馬進賬，用行動推翻外界的議論。今期李易達派馬較多，大部分準備足夠，第二場「永常喜」落番五班好着數，有望為馬房開齋。

第二場五班1000米，快馬不多步速會較慢，所以幾乎是唯一快馬的「永常喜」就算排二檔，也有機會在狹窄的Ｃ欄盡早移向外欄領放，從而賺取步速之利。去季初「永常喜」於四班同程直路賽一戰功成，其後腳部健康出現問題，表現未如理想，一月份更進行內窺鏡手術，直至七月才傷癒復出。暑期大閘走勢一氣呵成，姿態出色，走勢已回復九成以上水準。今仗首本路程遇上實力較弱對手，配潘明輝有輕磅之利，有力替馬房打開今季勝利之門。

對手中，「七彩」轉投羅廐後埋門試閘走勢甚有進步，來港至今12仗皆敗，當中以兩場谷草1000米走勢不俗，有可能是力短馬，轉戰田草直路賽，後上有機可乘。「有情風」九歲老馬埋門試閘仍有兩腳，強配潘頓有突擊能力。「贏盡」此程一戰即入Ｑ，試閘有追勢，憑新鮮感可追入前列。