【懷孕30周】羅力威希望疫情緩和 入產房陪伴太太
蘋果日報 2020/06/11 17:35
雨僑羅力威
攝影：盧妹
羅力威今日到商台分享將為人父的喜悅，提到太太雨僑懷孕達30周，他即興奮得滔滔不絕：「太太陀得幾好，唔算太辛苦，係正常個肚大就有少少拉住嗰啲，同埋我覺得佢陀得好靚，仲靚過以前。」
羅力威希望可以全面照顧太太，平日亦有為太太按摩手腳，笑言又會關心孕婦每周經歷：「最希望佢生嗰時，疫情可以緩和，喺醫院唔使咁緊張，如果醫生畀我入產房，我應該都會全程喺度。」他透露太太正考慮順產，愛妻號羅力威只希望太太順產能減少產後傷口的痛楚。
他表示太太懷孕期間，學懂了很多購買嬰兒產品的知識：「臍帶血嗰啲我唔識啦，都係太太話我知，到時都會留。不過太遠嘅嘢唔得得太清楚，都係盡量陪伴，我相信我哋兩個一齊，冇嘢做唔到。」問他可有看清楚BB性別？羅力威即說：「我唔知太太畀唔畀我講，佢可能有特別嘅方式公佈，龍鳳胎就冇咁嘅福氣，好辛苦，唔好啦。」
日前羅力威34歲生日，問到兩口子如何慶祝？他笑說：「嗰日我都你要落街買廁紙同去五金鋪買燈膽，夜晚出咗去食飯。太太而家最緊要食得好、瞓得好，所以趁佢生之前去食多啲好嘢。」
至於他們是否會再影懷孕寫真？羅力威笑指不太想太太揭起衫影寫真：「都係普通影相，不過到時睇佢想唔想著衫啦，反而我想唔著，等我飲多啲啤酒谷大個肚先。」
羅力威透露太太雨僑已懷孕30周。
羅力威期望疫情緩和，隨時候命入產房陪產。