今次（7月1日）第二場五班1650米泥地，「執到笑」季內最佳一仗正是泥地入Q，上仗連草地一哩都近，今次續配同程半數入前四的田泰安，可作複膽。

「向前看」泥地同程一戰即勝，查鄭廐與莫雷拉季內四度合作五班賽，「為善聚樂」兩捷，而「為您贏」亦能取勝，「向前看」當然可做重心。

配腳五隻，蘇廐另一駒「萬霸駒」同程五戰取得一冠三季一殿全入前四，必拖。

利敬國與沈廐正處蜜月期，5月至今13戰取得三冠三亞，「好運齊來」亦排得46%入前四的1檔，揀埋。

此外，五班一戰即勝的「駿協精英」，今季四度入前四名並無戴眼罩、今戰除眼罩的「自由飛翔」及在港曾於泥地接近過「黃埔之星」也兼顧埋，以240注出擊。

第五場四班1650米泥地，「好運」上仗初跑泥地，結果在慢閘及甩眼罩的情況下僅敗得亞軍，今次續配季內同程六勝，勝出率達27%的潘頓，可作單式膽。

配腳五隻，容廐今季雖只有「再享耆成」一匹連捷馬，但季內21匹新勝馬再出，卻有十匹入前四名，成功率近五成，新勝馬「勇福星」咪睇小。

路程專家「好腳頭」至今同程五度排1至6檔上陣，共取得三冠一亞，今仗排5檔起步當然要揀。

蔡廐今季泥地同程入前四達七成，「架勢」一定拖埋。再揀就係轉馬房後兩戰全入圍的「安賦」及新轉倉的泥地好手「鵰神」，以60注下注。

-----------------------------
7月4日起 《蘋果動新聞》只限升級壹會員閱覽
繼續撐蘋果！