女子組合Super Girls（SG）隊長趙慧珊（Aka）今日在新城拉票，她指今年以單飛形式發展，會很在意自己的成績，她說：「緊張唔係攞唔攞獎，而係我自己一個，大家對我認同係點。」提到今年有3個樂壇頒獎禮宣佈取消，會否感到失望？Aka說：「會唔會係特別啲嘅一年，唔係好失望，最緊張係大家對我嘅認同感，其實今年一開頭係好驚，因為女子組合俾人感覺比較揸流攤，但好彩有人認同，所以係強心針嘅一年。」

對於明年的目標，Aka透露明年推出個人的快歌，所以早前特別到韓國進修跳舞。SG會否再合體演出？她說：「會呀，聖誕節有商場活動，所以fans都好開心，我哋都有半年冇合體公開演出。」已為人妻的Jessica如果懷孕就跳不成，Aka即說：「如果有咗，一定要講，我會保護佢，不過佢今日有玩機動遊戲，所以唔係，但我今晚會喺group度講『Jessica，如果有咗，要講畀我哋聽。』我都好期待佢嘅BB，佢同佢老公都靚，所以BB一定係靚。」Aka坦言希望快點找到另一伴：「我想生BB，想生個女，不過我做定最壞打算，如果真係冇人要，我去美國搵精子銀行，跟住生個mix BB，因為我媽咪鍾意mix。」

採訪、攝影：黃曉妍

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇