煲呔噚晚喺灣仔修頓搞造勢騷，陳太冇眼睇，率領（前度）官場手袋黨姊妹去會展睇英國老牌歌手ElainePaige場騷，陳太孖生細妹方寧生、李麗娟同葉劉淑儀等都有捧場。陳太同胞妹一齊到，佢話欣賞過Elaine嘅音樂劇，但唔識唱佢嘅歌。陳太到場時面帶笑容，但見記者舉機拍照即以手掩面，之後傳媒邀請佢停低影張相，陳太都好隨和，企定定影相。至於李麗娟就話惹到感冒，佢話已經鍾意咗ElainePaige成30年，因為太鍾意佢，所以病都要嚟，而且仲買咗最貴嘅2,380蚊飛。