當年今日
關於我們

【符合角色】陳瀅處女下海為卡通配音 做肥妹公主完夢

蘋果日報 2019/12/07 12:08

陳淑蘭陳瀅

陳瀅、MIRROR成員陳卓賢(Ian)、陳淑蘭、黃百鳴及KOL豪Dee早前為動畫電影《魔鏡肥緣》配音,陳瀅及Ian更是首次為卡通聲演。昨晚他們到銅鑼灣出席電影首映,片中的公主有別於經典的纖瘦造型,陳瀅在台上亦自言是肥妹仔,因此最適合為動畫女主角配音。
首次為卡通配音的陳瀅,坦言錄音過程比預期中難,Ian指角色經常要跑跑跳跳,因此要經常模仿大叫、喘氣聲。陳瀅受訪時,指有幸成為卡通的「真人版」,似是完成其中一項人生目標清單:「初初電影公司話搵我配音,畀個trailer我睇,我以為係搵我做巫婆㗎。點知真係搵我做公主,不過經理人話『唔使咁開心,因為個公主係肥妹』,所以我明白點解要搵我。」她表示最肥的時候,體重達130磅:「嗰時拍緊《M Club》,成班女仔好開心,日日開工都有叉雞飯食,我實會食哂嘅。最記得嗰時,第一日開鏡,拍完第一個鏡頭,監製同我講『搞唔掂喎,你成個波咁嘅』。」
問到會陳瀅否約好友賴慰玲兒子Marat看新戲?身為契媽的陳瀅表示安排中:「而家數緊有幾多個女仔去睇,睇下可唔可以包場。」問到好友蔡思貝是否座上客?她笑指包場的提議,正是對方提出:「原本佢話今日嚟睇...」記者即追問她,蔡思貝是否因為約了緋聞男友胡鴻鈞而未能出席?陳瀅一面茫然,反問記者:「乜嘢呀?我兩日冇瞓、冇睇新聞,唔知你哋講咩啊。」記者即解釋有傳蔡思貝與胡鴻鈞頻頻蜜會,陳瀅聞言說:「我冇聽過呢件事,好搲頭,應該唔係嘅,朋友嚟啫。」
另外,為動畫聲演女巫皇后的陳淑蘭,指片中未有與「老公」黃百鳴合作:「嗰時拍《家有囍事》,好似都1994年啦,男人真係好,keep得住。當年我做佢小三,而家再拍可能要做佢阿媽啦。」蘭子透露現時除了電台工作,還在中國及澳門開辦公關公司:「幕前做少咗,而家咁多靚女,我又未做到阿媽,呢啲係尷尬期,可能遲多5年就可以做人阿媽喇。」
採訪:盧妹
攝影:陳慧安
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
陳瀅、MIRROR成員陳卓賢(Ian)、陳淑蘭、黃百鳴及KOL豪Dee早前為動畫電影《魔鏡肥緣》配音。
empty
片中的公主有別於經典的纖瘦造型,陳瀅在台上亦自言是肥妹仔,因此最適合為動畫女主角配音。
empty
首次為卡通配音的陳瀅,坦言錄音過程比預期中難,亦算是完成其中一項人生目標。
empty
為動畫聲演女巫皇后的陳淑蘭,指片中未有與「老公」黃百鳴合作。
empty
蘭子透露:「幕前做少咗,而家咁多靚女,我又未做到阿媽,呢啲係尷尬期。」
empty
Ian指角色經常要跑跑跳跳,因此要經常模仿大叫、喘氣聲。