馬季結束，三位華籍騎師各有感想，何澤堯上季獲22W，成績比之前一季27W差，他接受靚女Paris陳穎訪問時，直言因為上季個頭開得唔好，受到停賽及受傷問題困擾，以致表現遜於預期，希望下季有改善；而暑期他將到法國客串，何澤堯感謝巫斯義搭路，但他坦言當地高手如雲，自己沒太大名氣，很難覓得好座騎，不敢對成績寄望太高。
至於梁家俊，上季得18場頭馬，比前季15場略好，梁家俊說自己陣上犯規少了，新季會繼續keep住小心策騎，而今個暑期會去澳洲為活侯夫人效力，目的是希望增值自己，學多啲嘢，力求騎功再進步。
另一方面，連奪兩屆冠軍見習騎師的呂卓賢，將於8月2日及8月中分別在南非及澳門，參加兩項見習騎師賽。呂卓賢表示會多看一些外國賽事影片，學習海外高手的鞍上動作，加強自己的基本功，他又大呻上季田泰安及雷神兩位輕磅騎師來港發展，大大搶去華將們的輕磅座騎，令他們搵食極艱難，而新季目標則是贏多31場頭馬畢業。