【洛杉磯】譚小環孖老公美國呼吸自由空氣 渣哥connect渣巴
蘋果日報 2019/10/28 16:20
譚小環蔡強榮渣哥
(左：IG圖片/：資料圖片)
譚小環和老公蔡強榮（Eric）的小食店「渣哥」有撐反送中，香港氣氛仍緊張，兩夫妻日前離港出埠叉電，他們會到日本、美國和加拿大度假，今日渣哥的Instagram貼出小環夫婦在洛杉磯NBA名宿「天勾」渣巴銅像前留影，早前NBA火箭總經理莫利（Daryl Morey）發表撐港言論後，曾引來內地一連串反彈聲音，渣哥IG留言：「『US洛杉磯湖人』，當渣哥遇上渣巴，在殿堂級銅像前，即變小粉絲，悠長假期過咗1/3，在，心情着實放輕鬆了一點點...」
渣哥日前都貼出首站到日本時，才幫襯喝Starbucks，渣哥留言：「『愛恨分明』，都幾個月無飲Starbucks，嚟到心齋橋，可以整番杯，大家明白的。其實旅行其中一個樂趣，就係能夠親身到美食發源地，品嘗當地本店的原味，例如我在香港從來無食過吉野家，來到道頓堀就可以一試。再例如日本人在日本都無得食渣哥既炸燒賣，腸粉餐，真係好想食嘅，唯一辦法就係嚟香港。其實兜咁大個圈，我都只係想講，作為真‧香港人，我會多點幫襯，守護，珍惜香港地道小店，不要讓它被無情的時代巨輪輾碎，一間又一間逐漸被消失！#誰會珍惜當你還擁有」