當年今日
關於我們

【港企大贏家】港企北上屢敗北 廣告界:為雙十一開店蠢到爆

蘋果日報 2018/09/25 00:02

維他檸檬茶

香港零售商無不垂涎擁有十三億人口(快突破14億)的中國市場,不過,欠缺資金的中小企始終對中國廣告營銷感到陌生,不時碰釘。內地廣告營銷公司臻昇傳媒集團負責人說,中小企一來怕輸,二來資金不足,但其實打入內地市場並不如想像中難。
「香港商家接收訊息嘅能力好高,每日都去聽講座、聽新嘢,但抱住一個咩心態去聽呢?我淆底,我要聽多啲」,不少港商今時今日仍停留在「齋聽」的階段,「你(其他商家)去行先啦,死咗話畀我聽,永遠都係聽失敗經驗」,面對缺乏行動力的商家,臻昇策略顧問Chois Choi感到非常勞氣。
不少零售商幻想在網購節「雙十一」賺一筆,但Chois卻說為了雙十一而在天貓開店是極度愚蠢。「如果為咗雙十一做天貓呢,蝕死佢呀」,雙十一期間開店的審核條件之多,且需投放極大廣告開支,根本不適合中小企。相反,國內自媒體平台數目保守估計達3萬個,如小紅書、抖音、映客等,每個平台都有不俗流量,是商家以較低成本落廣告的好地方。
臻昇市場拓展總監Sandy Choi給港商的另一建議,是擁抱國內賣廣告的手法:hard sell(硬銷)。「(國內節目)無論產品植入,甚至係講嘢嘅script(對白) 都好hard sell」,觀眾依然津津樂道,這或由於內地人對新產品仍然感到好奇,但香港新品日日新,「我鍾意睇就睇,我唔鍾意你唔好迫我」,兩地對廣告期望差異甚大。
曾經有香港微企客戶,利用國內網紅直播推銷自家代理面膜,最終該網紅只做了8次直播,便為公司帶來約30多萬元人民幣銷售額,放在樓上舖一年也做不到這數目。Choris說,不過,盈利的大前題是產品的來貨價要夠低,「如果你(入貨)七折攞返嚟,然後100%賣返出去,諗住賺嗰三成,你唔使旨意入大陸,因為淨係網紅都收你三成錢走」, 上述例子網紅佣金約銷售額的20%至30%,另加出場費,故商家要仔細考慮利潤空間。
全球樓行 Dream House零距離
https://hk.feature.appledaily.com/overseasproperty