當年今日
關於我們

倪震最欣賞女友兩對嘢
逾萬Fans高呼「周慧敏好波」

蘋果日報 2006/05/27 00:00


現年38歲的玉女掌門人周慧敏(Vivian),前晚重踏紅館舞台,沒有穿當年谷爆上圍的宮廷服,但過萬歌迷卻在古巨基號召下齊呼「周慧敏好波」。而男友倪震則用有味笑話包裝溫情,稱最欣賞女友身上的「兩對嘢」。
周慧敏闊別紅館舞台12年後,前晚舉行「BackForLove2006」演唱會,男友倪震與未來老爺奶奶倪匡夫婦等都到場欣賞,好友李克勤、古巨基、谷祖琳、黃凱芹和台灣歌手林隆璇則任表演嘉賓。一眾嘉賓為搞氣氛,竟在台上向玉女掌門人講三級笑話。
開場嘉賓克勤直接問Vivian可會穿着當年有谷胸效果的宮廷裝演出,她說:「好多fans都問我幾時再着,但一次在心中就夠,今晚大家運用你哋嘅想像力,幻想每套衫都係宮廷裝。」
黃凱芹玩閹
周慧敏退出12年,但唱功依然保持水準,就算是勁歌熱舞的環節都應付自如。而Vivian全晚換了七套款式保守的晚裝,跟當年的性感宮廷裝無得比。
前晚黃凱芹在台上背着台下的倪震,向Vivian鬼馬的說:「佢有冇蝦你?搞你?半夜有冇擒上你度?我覺得為佢好,應該閹咗佢。」不過,黃凱芹口中所指的只是Vivian的愛貓周慧豹。其後,黃凱芹特別獻唱了Vivian舊愛Raidas成員陳德彰的歌曲《傾心》。
當歌迷起哄要倪震上台,但Vivian護男友情切說:「唔好迫佢,佢唔唱歌唔跳舞,你哋等佢坐吓得啦,等我送個飛吻畀佢。」話口未完即速遞飛吻,倪震則以接住的動作配合,然後作狀把飛吻轉送前晚71歲生日的倪匡。Vivian再向倪震示愛:「見到你真係好冧。」令男友笑到四萬咁口。
古巨基濕晒
基仔拖着Vivian演唱,他說:「我每次見到靚女都濕晒,不過我講嘅係隻手。」基仔又大讚Vivian好波,他說:「好多男士同佢打波(桌球)輸咗,都會同佢講你好波。」基仔呼籲全場過萬觀眾齊聲大讚「周慧敏好波」,她聽到笑不攏嘴。
全晚Vivian都大晒恩愛,倪匡父子就錄影了片段讚賞Vivian。倪震說:「我最欣賞佢身上兩對嘢,分別係對眼,佢望住你講嘢,感覺好迷失,佢對腳唔會太瘦,好有手感。佢又冇靚女架子,我89年識佢到𠵱家,大家性格都模糊晒,變咗對方。佢份人好硬頸,做事一意孤行,你睇佢揀男友就知啦。」周慧敏為冧男友,在演唱會接近尾聲時,更到倪震跟前獻唱《為你》。
採訪:李珮洳
攝影:林德雄
empty
empty
周慧敏的開場服被批評太悶。
empty
現年38歲的玉女掌門人周慧敏(Vivian),前晚重踏紅館舞台,沒有穿當年谷爆上圍的宮廷服,但過萬歌迷卻在古巨基號召下齊呼「周慧敏好波」。而男友倪震則用有味笑話包裝溫情,稱最欣賞女友身上的「兩對嘢」。
empty
《我每次見到靚女都濕晒!》拖手合唱本平常,古巨基卻將此變作有味笑話。
empty
黃凱芹與周慧敏相識多年,輕輕一吻亦不怕傳緋聞。
empty
周慧敏演唱會的服飾比較保守,像這襲裙便毫無特色,幸有一巨型高跟鞋襯托,別具味道。
empty
倪震口中周慧敏的「兩對嘢」,只是眼和腳而矣。
empty
周慧敏當年穿緊身宮廷服拍MV,但不肯為演唱會再穿一次。
《壹週刊》圖片