蔡加敏昨日出閣之喜，社交圈稱這樁喜事為「東華情緣」，因為新郎馬鴻銘曾任東華主席，卸任後蔡加敏即加入東華成為總理，不過二人的真正「紅娘」，其實是與蔡加敏認識10多年的閨中好友黎姿。

安排燭光晚餐

黎姿昨日身穿Prada風褸以「紅娘」身份觀禮，更笑言自己是專業紅娘，她說：「呢段係第二對，之前第一對係伍姑娘（即伍詠薇），其實係喺一個飯局入面，John對Carmen有意思，不過Carmen有啲抗拒同怕醜，我鼓勵佢John係好男仔，goahead，之後就安排咗一次燭光晚餐。」
此外，昨日婚禮結束後一對新人在草地舉行拋花球儀式，姊妹團早已「內部」欽點黎姿接花球，她笑說：「個個都唔要，好尷尬，惟有我執起佢，希望自己出年嫁得出，咁大個女都係第一次接花球，出年我就唔拍劇，全力打理細佬啲生意，同埋做福音嘅工作，細佬已經出咗院，喺療養院住，日日做gym，𠵱家係大隻仔。」