韓國男星李秉憲5月時，曾跟老婆李敏貞及囝囝一齊去寺廟參拜。當時有網民公開李秉憲一家三口現身寺廟嘅照片，見到李秉憲及李敏貞拖實囝囝行入寺廟，李秉憲現身時更笑容燦爛，不過當時該照片就未有公開囝囝真面目。

近日，再有網民公開當日李秉憲一家三口嘅照片，首次公開李秉憲囝囝嘅正面照。照片中，李秉憲囝囝眼大大，唔笑時嘅cool樣似十足爸爸李秉憲。

另外，李秉憲早前拍畢劇集《陽光先生》(Mr. Sunshine)後，就跟老婆李敏貞去咗美國洛杉磯旅行，近日有網民就於當地捕獲二人。

精選韓流，喺晒《娛果》
http://fb.com/appledailyent