當年今日
關於我們

領隊收風︰
三箭在弦勢射穿清水 - 本地職業領隊

蘋果日報 2015/04/25 00:00


踏入季尾,本地球圈轉會消息不絕於耳,早幾日又收到友會新職員問關於合約問題。佢話雖然自己隊波護級勢危,但仍有機會成功,不過就有球員可能擔心前途,所以簽咗白紙合約,問我點算,我覺得奇怪,點解到仲有咁蠢嘅後生仔㗎。
十幾年前消防文單嘢,大家都聽過,而咁大個教訓都仲未驚?一張白紙,講個信字,就要劃押,為咩呢?不過,我叫佢定少少,了解晒再拆!我同佢講,其實做得呢個職位有幾份文件一定要自己熟讀,一份係賽例,一份係合約,呢幾年聰明人日日諗所謂完善職業合約制度,結果係點唔好喺呢度講,但我就從來都會同啲後生仔講,簽約前向佢哋解釋清楚每一條細節,出事機會就減少。
同佢哦完一輪,又話冇錢買飯盒,點都要過兩場畀佢。我話記低佢啦!今日場日聯廣島三箭對清水心跳,主隊讓半/一,一定要上盤,廣島連戰多場後已經上力,上周勇破榜首東京,等於打咗支強心針,相反清水係周中日聯盃先中止七連敗,有冇力再上,自己諗諗就知。
聽日英超有場愛華頓對曼聯,曼聯上場狙擊車仔失敗,不過表現非常之好,最重要係桑馬達同安達靴里拉呢對西班牙組合,走位左穿右插,傳波又陰毒,不停輸送彈藥比前面。愛華頓近幾場都算順,不過攻擊力唔係十分強,少少哋玩吓,應夠買盒飯。

本地職業領隊
耳聽八方 專收好料
empty