全國人大會議上月通過制訂「港版國安法」，繞過本地立法程序，直接列入基本法附件三形式進行。前基本法起草委員會委員、民主黨創黨主席李柱銘接受無綫節目《講清講楚》訪問表示，「23條」立法責任是在於政府及建制派，並指現行法例足以作制衡，毋需另立「港版國安法」。

他提到，「港版國安法」立法後將影響他到外國游說工作，惟他不會因立法而離開香港，「而家係邊個錯，係中央違背（中英）聯合聲明，唔畀港人高度自治，點解我唔企喺度、繼續爭取？」

指政府及建制派唔想孭黑鑊

李柱銘表示，建制派一直佔議會大多數，政府可提出「23條」，故有關立法責任屬政府及建制派，而非屬在野的民主派：「做唔到就賴在野黨，係完全唔合邏輯。」他指出，前特首董建華立「23條」觸礁後，往後的政府及建制派也不想立「23條」：「特首唔想孭黑鑊，建制派都唔想孭黑鑊，驚名譽唔好，屋企人唔開心，驚選舉時失選票。」

對於政府、建制派批評民主派妖魔化「23條」，他則指，當年反對立法是基於「23條」草案損害《基本法》賦予結社、言論自由及宗教自由的權利，「如果真係成功妖魔咗，係佢失敗。」他續說，如「23條」的條文內容不削弱人權，相信當年民主黨也會支持。

相關新聞 :
公民力量黃宇翰批港人不及早立23條 令中央「出手」制定惡法

他指出，現行法例足以制衡政府所說暴行，「所以已經拉咗8,000人，1,200、1,300個已經上法庭，現有法律已經全部控制到，點解要呢啲法律，真係莫名其妙。」

年輕人拒聽「和理非」意見

談到「港版國安法」的立法條文應如何設立，例如港獨口號、舉港獨標語應否入罪，李柱銘則指關乎是否屬言論自由，認為只要沒有煽動意圖，則不應視為違法：「言論自由嘅意思，就係幾唔鍾意聽，你都要畀人講。」他稱，香港沒有革命軍，很多人只是以言語表達；指內地人多安於現狀，不想改變，更不會理會是否擁有自由：「全世界革命都係做，冇人講，一講革命俾人拉。」

他提到，政府多年來沒有給予香港人民主，年輕人在看不到前景下，自然想做各種事情爭取，坦言同情他們：「我係叫佢哋唔做，唔想佢哋犧牲自己。就算唔死，都要坐監好多年。」他表示，如香港有民主，中央不干預香港，年輕人也可以參選，「你唔畀佢，佢先去抗爭。」

他直言，年輕人不會聆聽「和理非」意見，因認為他們沒有作為；而去年反送中條例，抗爭者包圍立法會，最終令條例未能通過，「係咪政府自己教年輕人，如果有啲武力、阻到人開唔到會，咁咪成功。」

籲以真理正義爭取國際支持

李柱銘指，年輕人武力難與警察抗衡，反之要用真理及正義站在道德高地，爭取國際支持，而爭取民主是長遠。他續說，自己被捕令他感「舒服晒」，因其可與年輕人一同承受風險。他坦言對年輕人心中有愧，因雨傘運動後，雖被捕兩次，惟從未被控告：「坐監咪坐監，而唔係其他年輕人坐監、我哋唔使。」

至於「港版國安法」立法後，會否影響他到外國游說工作，他坦言會，而立法後，他也不會離開香港，「而家係邊個錯？係中央違背聯合聲明，唔畀港人高度自治權，點解我唔企喺度、繼續爭取？」

批中聯辦不想聆聽意見

中聯辦昨日（6日）召開座談會，21位港區全國人大代表及政協委員參加，中聯辦主任駱惠寧在會上強調「決定了的事，就會堅決地做」，並指立法過程，人大常委會重視香港社會各界意見。被問到會否向中聯辦提交意見，李柱銘笑言，中聯辦是事在必行，不是想聆聽意見，而依據《基本法》，只有立法會才能夠就「23條」立法，「立法會佢已經控制多數，但佢唔用，要喺北京做，係違背《基本法》嘅嘢嚟，仲要叫人贊成。」

他續說，草議《基本法》時也會有徵求意見稿，現時卻只想要贊成、支持意見，「根本唔啋我哋（民主派），係想捉我哋坐監。」他指出，如中央願意交由立法會自行立法，他不介意就立法表達意見。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體（中文）」大獎
-----------------------------
App內1-Click訂閱《蘋果動新聞》
按此了解更多