劉嘉玲﹑江美儀﹑車婉婉及盧覓雪等，今午喺尖沙咀宣傳新片《過界》，儀式喺嘉玲間西班牙餐廳舉行，幾位女星都騷腿示人。而嘉玲話好多人同佢傾緊生意合作，不過自己最鍾意都係演戲，生意只係副業。

戲中嘉玲嘅老公突然失蹤，問佢怕唔怕偉仔都突然唔見咗，嘉玲就話女人唔應該依賴晒男人，點都要自己增值吓，因為始終生命無常，有定準備好啲喎。

江美儀拍緊無綫新劇《點金勝手》，不過就話未係好覺限制工時嘅分別。佢又話覺得每日都最好有8個鐘瞓覺，話除咗演員壽命長啲之外，連性命都會長啲咁話。