側田噚晚喺新蒲崗為國際無伴奏合唱節綵排，佢話自己喺呢個慈善音樂會，會同一班學生表演兩首歌，其中一首係《命硬》，被問到邊方面最命硬？佢就話：「我個人唔係好命硬，係得個名，我個人好易心軟，好易俾人氹，耳仔軟，係YESMAN。」順得人？側田唔多似喎！

之前側田身形脹爆唔少，但佢為咗澳門個騷就積極減肥，0依家成功減咗十幾磅，佢話：「之前肥到好多衫都著唔到，做演唱會前就要減，減咗十幾磅。」仲話演唱會前會戒酒，等個騷完咗先飲。其實因為飲醉酒經常出事，不如戒咗佢喇！YESMAN﹗