陳慧琳昨日抵洲際酒店準備出閣，她表示不介意姊妹團玩盡新郎，結果姊妹們果然毫不留情，在新郎劉建浩帶着10名兄弟團來接新娘子時，攔路的姊妹團先要求開門利是99,900元，但Alex身上只有一萬元現款，結果新郎要問Kelly經理人鍾珍借錢，在踏入第一道房門時，Alex要先付9,999.9元，入門口後，姊妹團告訴他要過五關才會把新娘子交給他。

Alex首先要拿鉸剪將其中一位兄弟的腋毛剪下，再將之當鬍子貼在嘴唇上，第二關要他跳鋼管舞，他一樣沒問題，順利過了兩關後，姊妹要他rap愛的宣言，由於他不懂看中文，姊妹團就告訴他，付5,000元可以給他英文譯本，結果新郎哥又要破費。第四關就要玩呼拉圈，最後一關是要求10名兄弟塗上紅色唇膏，再輪流咀新郎，新郎要再用紙巾將面上的唇印全部印下來，然後再把這張紙巾交給Kelly，代表對她有深切的愛。
整個玩新郎過程，Kelly在房中都可以透過電視看得一清二楚，她看得相當開心，不時在房中發出笑聲，她表示：「玩新郎過程我都好滿意，其中rap歌部份，其實我唔係聽得好清楚佢rap乜，只聽到佢話要將啲錢畀晒我。整個玩新郎過程，我都要求Alex親自上陣，佢都玩得好enjoy同癲！最深刻係佢要將10個唇印交畀我，睇佢愛我有幾深。跳鋼管舞嗰部份我就覺得好惡心。」至於新郎Alex則表示：「接新娘嗰陣都玩得幾開心呀！」

其後完成切蛋糕儀式後，一對新人在房間向雙方父母斟茶，Kelly換上一套紅色晚禮服向長輩斟茶，雖然她的父母已離異多年，但這個大日子，他們都一同分享子女幸福一刻，至於Kelly的嫲嫲、姊姊與弟弟陳司翰也一早到賀。
採訪：胡比　攝影：陳順禎、葉君海、仇志德

昨日是農曆九月初四，堪輿學家蘇民峰表示這天雖然宜嫁娶，但算不上特別好日，他說：「Kelly本身屬火，以命格嚟講個夫妻位係冇乜問題，見唔到有相冲。因為佢喺呢行做嘢運會行到42歲，所以結咗婚之後都唔係靠老公個名，唔做嘢嘅機會都唔係好大。」
蘇民峰表示Kelly與Alex婚後感情沒特別障礙，一切正正常常，與婚前分別不大。至於造人方面，他表示Kelly於2010年較容易懷孕，不過今年因為犯太歲，易結婚生仔，說不定會雙喜臨門。