內地不斷出招振興經濟，由於有大量基建投資，加上大幅減息，令中資股最近成為散戶熱捧對象。相對之下，大陸公路股普遍升幅未算顯著，由於近期內地一連串投資方案及救市措施，甚至係行業政策調整如燃油稅改革、完善成品油機制、取消公路、航道「養路費」等，某程度亦會惠及公路股，公路板塊股份亦有一定留意價值。
剛宣佈決定退出投資及參與營運嘉興至紹興高速公路項目的浙江滬杭甬（576），係坊間投資者較為熟悉的一隻國企公路股，其截至9月底止首三季業績只屬一般，錄得盈利14.3億元人民幣，按年下跌22.8%。盈利倒退主要係旗下公路車流量及通行費收入均見下降；另外年內大陸股市氣氛不濟，旗下證券業務表現乏善足陳，都係業績遜色的原因。

可跑贏同業

不過，市場憧憬若內地適當下調成品油價格，對交通流量或有正面刺激作用。另外，中央連番出招刺激經濟，談論甚久的「融資融券」業務試點可望在12月份正式推出，如果屬實，長遠有利內地A股市場發展，對滬杭甬旗下證券業務有利。所以相較其他公路股，滬杭甬業務無咁單調，可跑贏同業，可低吸，中線目標5.50元。
方星俠